Sáttamiðlun

Sáttamiðlun  er gagnleg aðferð fyrir tvo eða fleiri aðila til að leita lausnar á ágreiningi. Sáttamiðlari er óháður og hlutlaus aðili sem stýrir sáttaferlinu og hjálpar þátttakendum að finna lausn á ágreiningi og komast að sameiginlegri lausn sem allir aðilar eru sáttir við.

Í sáttamiðlun spila deiluaðilarnir sjálfir stærsta hlutverkið en sáttamiðlari aðstoðar aðilana við að skilja stöðu sína, þarfir og sameiginlega hagsmuni.

Ferli sáttamiðlunar

• Aðilar sammælast um að leysa ágreining sinn.
• Aðilar hittast ásamt sáttamiðlara yfirleitt á hlutlausum stað.
• Aðilar útskýra hvor fyrir öðrum þeirra upplifun af vandanum eða deilunni.
• Hagsmunir og þarfir aðila eru ræddar.
• Möguleikar að lausn eru settir upp.
• Lausnin byggist upp á umræðum aðilanna.
• Komist er að samkomulagi í sameiningu.

Hlutverk sáttamiðlara

• Sáttamiðlari er ávallt hlutlaus.
• ​​Sáttamiðlari tryggir að sjónarmið deiluaðila komi fram.
• Sáttamiðlari sér til að allir geti komið með athugasemdir og tillögur að lausn.

Sáttavottorð

• Náist sátt getur sáttamiðlari gefið út sáttavottorð.
• Sáttamiðlara er  heimilt að gefa út sáttavottorð eftir að hafa tvíboðað aðila á fund og ef sáttafundir hafa ekki borið árangur.
• Í sáttavottorði kemur fram hvaða fundir fóru fram, hvers efnis ágreiningur aðila er og hver afstaða aðila sé.
• Sáttavottorð er gilt í sex mánuði og þurfa aðilar að stefna máli fyrir dómstól innan þess tímaramma.