Handleiðsla

Handleiðsla er góð aðferð til að hjálpa starfsmönnum að líða betur og þroskast í starfi. Í handleiðslu fær starfsmaður aðstoð við að átta sig á uppbyggingu vinnustaðarins, markmiðum starfsins og möguleikum sínum í vinnu.

Hvað er gert í handleiðslu?

• Í handleiðslu fer starfsmaður með handleiðara yfir eigið starf, líðan á vinnustað og aðra þætti sem tengjast starfinu.
• Hægt er að velja um einstaklingshandleiðslu og hóphandleiðslu.
• Hóphandleiðsla hentar vel til að styrkja starfsmannahópa og samræma hugmyndafræði og vinnulag.
• Allt það sem rætt er í handleiðslu er trúnaðarmál.

Í handleiðslu er unnið meðal annars að því:

• að byggja upp og styrkja fagímynd.
• að bæta skipulag til að komast yfir verkefni dagsins og fyrirbyggja streitu.
• að skilja betur eigin viðbrögð og líðan í vinnu.
• að bæta verklag og fagleg vinnubrögð.
• að glöggva sig á skipuriti fyrirtækis/stofnunar, valddreifingu og ábyrgð.
• að auka samskiptafærni.
• að aðstoða starfsmenn að fóta sig á nýjum starfsvettvangi.
• að efla faglega þróun.
• að skilgreina óánægju í starfi.
• að finna nýjar áherslur í starfi.

Í hóphandleiðslu:

• situr hluti eða allur starfsmannahópurinn saman með handleiðarar.
• kemur starfsmannahópurinn sér saman um vinnulag og viðmið.
• er rætt um samstarf, áskoranir í starfi og leiðir til að bæta samskipti og líðan.