ÞJÓNUSTA / RÁÐGJÖF
Ráðgjöf
Rými fyrir líðan, tengsl og daglegt líf.
Ráðgjöfin felur meðal annars í sér samtalsmeðferð vegna þunglyndis og kvíða, parameðferð og stuðning við aðrar áskoranir í lífinu. Einnig er boðið upp á samskiptaráðgjöf fyrir fjölskyldur, skóla og vinnustaði.
NÁLGUNIN OKKAR
Stuðningur sem tekur mið af þér.
Í samtalsmeðferð er rými til að ræða líðan, hugsanir, tilfinningar og það sem reynist erfitt í daglegu lífi. Parameðferð veitir pörum rými til að skoða samskipti sín og tengsl.
Nálgunin byggir á ACT (Acceptance and Commitment Therapy), hugrænni atferlismeðferð (CBT) og iðjuþjálfun. Ráðgjöfin er löguð að þörfum þínum og því sem þú vilt vinna með.
Ráðgjöfin nær einnig til samskipta foreldra og barna, foreldrasamvinnu og áskorana í skóla eða starfi.
01
Foreldrar og börn
Samtal um samskiptaörðugleika, meðal annars á unglingsárum, og leiðir til að bæta heimilisbrag.
02
Foreldrasamvinna
Stuðningur við samstarf foreldra sem búa ekki saman, með hagsmuni barna að leiðarljósi.
03
Skólar og vinnustaðir
Ráðgjöf um samskipti og stuðningur þegar ágreiningur eða grunur um einelti kemur upp.
Skýrari rammi um foreldrasamstarf
Boðið er upp á aðstoð við gerð sáttmála um foreldrasamvinnu. Í honum má skýra hvernig samstarfi og samskiptum er háttað.
VERÐ OG FYRIRKOMULAG
Gott að vita.
Viðtal · 50 mínútur
22.000 kr.
Tilkynna þarf forföll fyrir kl. 15 daginn áður. Forfallagjald er helmingur af verði bókaðs tíma.
Hellisgata 29, 220 Hafnarfjörður. Jarðhæð, hvít hurð til hægri.
Finnum næsta skref saman.
FLEIRI LEIÐIR